أ.توفيق العرجا أبو باسل
عدد المساهمات : 306
تاريخ التسجيل : 06/01/2011
 | موضوع: زفة العريس والعروس بالطريقة الفلسطينية 2  الثلاثاء فبراير 08, 2011 11:54 pm | |
| الزفة: هو ما يهتف للعريس من بعد الانتهاء من (حمام العريس)، بحيث يقوم المقربون للعريس بحمله على أكتافهم ، أو أن يصعد على ظهر حصان ، و يقومون بالمشي في حواري منطقتهم-قريتهم- متجهين لبيت العروس ، يصاحب هذا المشوار أهازيج من أهل العريس تدل على فرحتهم لزواج ابنهم ، و يشارك في الزفة المقربون للعريس و أجمل ما في الموضوع مشاركة أهل المنطقة في الزفة سواء كانوا يعرفون العريس أو لا، و من هذه المشاهد خروج النساء من نوافذ بيوتهن و رمي الحلويات على العريس و الزافين -ياما انطبش راسي من حبة حلو .
صلو على محمد مكحول العين و زين الزين و الي يعادينا الله و النبي عليه وهيييييييييييي
بسم الله نادينا .. و على النبي صلينا
اول ما نبدا ونقول ..نصلي على طه الرسول
يا صلاتك يا محمد .. يا خزاتك يا ابليس
و الصلاة صلوعليه .. و علينا و عليه
و على من زار قبره .. و على من حج اليه
يا سباع البر حومي
اشربي و لا تعومي
اشربي من بير زمزم
زمزم عليه السلام
محمد زين و ذكره زين
محمد يا كحيل العين
درج يا غزالة يارزقالحلال
درج يا حبيبي ريتك من نصيبي
تلولحي يا دالية يا ام غصون العالية
تلولحي عرضين وطول
تلولحي لقدر اطول
يلعن أبو المدارس غلّن مهر العرايس
يلعن ابو الجامعات غلن مهر الطالبات
يلعن ابو الكليات غلن مهر الانسات
يام الثوب مطرزتية حطيتي البلاوي فيه
على أهلك خبيتيه و على جوزك بينتيه
الهيلمان الهيلمان
الهليمان على تمو يا تمو خاتم سليمان
الهيلمانعلى طولو يا طوله عود الريحان
الهيلمان على عيونو يا عيونه فتح الفنجان
الهيلمان على شعرو يا شعره حبل الجمال
الهيلمان على سنو يا سنو لولو و مرجان
الهيلمان على صدره يا صدره بلاط رخام
ازرع و اقلع باذنجان
يلعن راسابو الزعلان
ازرع و اقلع بندورة
عشانك يا غندوره
ازرع و قلع باذانجان
تاتطلع ام الفستان
هون و اربط في الشارع
بيضة و الصدر دالع
هون و اربط باب الدار
تاتطلع بنت المختار
هون و اربط باب الحوش
تاتطلع ام الكلوش
دير الميه على الصفصاف
فلسطينية و مابنخاف
دير الميه على السريس
مبارك عرسك يا عريس
دير الميه على الزيتون
مبارك عرسك يامزيون
دير المية علىالتفاح
مبارك عرسك يا فلاح
كنت أعزب دايرمجنون
بلعب بين الشبّان
قاللي عقلي واتجوّز
قسمة نصيب أخذت الزين
حبل الزين وجاب غليم
وصار يقوللي يابابا
بدي حلاوة منفوشة
مديت ايدي عالجيبة
لقيت الجيبة مكحوشة
يا بنت ياللي في البيت لا تحسبيني جنيت
يابنت ياللي في الدار لا تحسبيني غدار
واجب علينا واجب
نفرح و نغني واجب
نفرح ونقول واجب
نفرح نغني واجب
كرمال مين واجب
كرمال امهواجب
كرمال ابوه واجب
كرمال اخوانه واجب
كرمال اصحابه واجب
كرمالاعمامه واجب
كرمال اخواله واجب
كرمال العيلة واجب
كرمال مينواجب
كرمال العريس واجب | |
|
